ദൂരവും കാലവും

ദൂരവും കാലവും
___________________

നിന്‍റെ ഇന്ന് നീ എന്നോട് സംസാരിക്കുമ്പോള്‍
എന്‍റെ ഇന്ന് ഞാന്‍ അത് കേള്‍ക്കുന്നെങ്കിലും
ചുമരിലെ കലണ്ടര്‍ നമ്മെ പരിഹസിക്കുന്നു
കാരണം നീ പറയുന്നത് എന്‍റെ ഇന്നലെയും
ഞാന്‍ കേള്‍ക്കുന്നത് എന്‍റെ ഇന്നുമാണ്
നീ പറയുന്നത് നിന്‍റെ ഇന്നും
ഞാന്‍ കേള്‍ക്കുന്നത് നിന്‍റെ നാളെയുമാണ്‌
സംസാരിക്കുമ്പോള്‍തന്നെ കേള്‍ക്കുന്നെങ്കിലും
ഒന്ന് ഇന്നലത്തേതും ഒന്ന് ഇന്നത്തേതുമാണ്
ഒന്ന് ഇന്നത്തേതും ഒന്ന് നാളത്തേതുമാണ്
ദൂരങ്ങളില്‍ ഇരുന്നു ഒരേ സമയം
വിചാരങ്ങള്‍ പങ്കിടാന്‍ കഴിയുന്നെങ്കിലും
നിന്‍റെ ഇന്നിനെ എന്‍റെ ഇന്നാക്കാനോ
എന്‍റെ ഇന്നിനെ നിന്‍റെ ഇന്നാക്കാനോ
നമുക്ക് പരസ്പരം കഴിയുന്നില്ലല്ലോ!